الثلاثاء، 18 مارس 2008

السلام عليكم

أزيكم يا دكاترة .. يارب تكونوا بخير
أهلا بيكم في وطنكم التاني

معلش أنا مش هأطول دلوقتي
بس باختصار المدونة دي أتمنى تكون ملتقى للمدونين البيطريين

و عليه فأنا باتمنى من كل زميل من المدونين البيطريين أنه يشاركنا في أتحادنا

ومتجمعين عند النبي أنشاء الله

الأتحاد قوة

الله .. الوطن .. أنا ومن بعدي الطوفان

8 التعليقات:

د.جيفارا يقول...

فكرة جامدة يادكتور

اخيرا بقي لينا نحن-الاطباء البيطرين- مدونة خاصة بينا
بعد ماكنا عاملين زي الابن الغير شرعي او اللقطاء نتحايل علي الادباء ونتمسح في الشعراء بلا مأوي او سكن بلا قلم ولا ورقة
كادت قلوبنا تتحجر واقلامنا تنكسر وتسري فيها الرطوبة لتجف احبارها وتجف افكارنا بعدها

انا بتشرف اني اكون معاك في التجربة الهايلة دية

العبد لله:
اسلام عبد الخالق

محمد عبدالحي بتاع بيطري يقول...

حبيبي إسلام

أهلا بيك

واتمنى تبدأ التدوين معانا في أسرع وقت
أو كما قال الشاعر الجاهلي :

قووووول يا نجم قوووول

kafrawy يقول...

هههههههههههههههه


دعنا ننفسن يا عبد الحى

يخرب بيتك على الفكرة دى

vetrinary يقول...

الاخ المبجل اسلام عبد الخالق
مش بعيد احمد زيدان يكون ليه فى النت
ويفتكر اننا عاملين بلوج عشان نسخن الطلبه
ويبعت اسامينا للناس اللى فوق
وبالتالى
ينجحونا ويخرجونا ويكوسونا
عشان منقلبش دماغهم
قول يا رب

امضاء
محمد عمران
الفرقه التالته (من الخارج)

د.جيفارا يقول...

دكتورنا العزيز/عمران باشا
أحمد زيدان بيمثل دور محمود عبد العزيز في فيلم البريء(وان شاء الله نهايتة هتكون علي ايدينا)
..............................

د.جيفارا يقول...

تساؤلات وابتسامات
................
في اسئلةاو خلينا نقول انها ردود افعال تلقائية بتلاقيها مرسومة علي وجوة الناس

مساء الخير
مع حضرتك د/اسلام عبد الخالق
وحضرتك دكتور في اية ياستاذ اسلام؟؟
دكتور بيطري حضرتك

قبل اي كلام او تحليل للموقف بتلاقي ابتسامة علي وجهة هذا الشخص
ممكن كل واحد يقولي تحليلة للابتسامة المبدئية اللي بتحصل دية؟؟
...............................
حاجة تانية:
في اتوبيس الحكومة بتلاقي الراجل راشق في اي واحدة واقفها القدر قصادة ياتري دة كبت جنسي ولا نوع من....؟؟
...............................
التالتة:
ابوك وابويا ياتري دول كانوا أطفال في يوم من الايام...؟؟
................................
والرابع:
لو أنت واقف بتشتري لبس من محل ولقيت راجل بيسائل البت اللي بتبيع سؤال مفاجيء وعايز رد سريع:
عندك سونتيانات حمرا ؟؟
ياتري اية اللي جبر الراجل دة علي سؤال زي دة ف توقيت زي دة؟؟
...........................
نكمل تساؤلات بعد الفاصل

drkeemo_xp يقول...

اشطة يارجالة..
فكرة جامدة يا واد يا عبده..
بس اسمعوا نصيحة عمران يا جدعان و خلوا بالكوا من التطور التكنولوجي بتاع الداخلية...
و ان كنت اظن ان جيفارا هايلبس في قوات الامر بالمعروف و النهي عن المنكر العريقة لو مش خد باله من كلامه حبتين بما يوافق تقاليد نجد :D

حبتين كده ...و نديها بوستات ان شاء الله

رئـــــيسـة حزب الأحلام يقول...

السلام عليكم
انت قصدك ايه